Midis Bayernit dhe Real Madridit ekziston një marrëveshje e fshehtë që ka ndaluar përplasjen direkte për transferimin e Michael Olise. Raportimet për ofertën e mundshme të Florentino Perez për yllin francez shkaktuan pakënaqësi te Bayerni, por marrëdhënia e ngushtë mes presidentëve të dy klubeve, Herbert Hainer dhe Perez, ka shmangur përshkallëzimin e situatës. Ata kanë rënë dakord që asnjëri klub të mos tentojë të marrë lojtarë nga tjetri pa informuar paraprakisht, duke evituar gara ofertash dhe tensione mediatike. Bayern kontrollon plotësisht të ardhmen e Olise, i cili ka kontratë deri në vitin 2029 dhe nuk ka klauzolë lirimi, ndërsa marrëdhëniet mes klubeve mbeten të forta edhe jashtë fushës së futbollit.