Superkompjuteri i Opta-s ka publikuar parashikimet e tij për sezonin 2026/27 të Ligës së Kampionëve, duke vendosur Arsenal si favorit kryesor për fitore me 21.2% mundësi. Bayern Munich dhe Manchester City renditen pas “Topçinjve” me 19.9% dhe 12% shanse për triumf, ndërsa PSG dhe Barcelona kanë shanse më të ulëta për të fituar trofeun. Sipas simulimeve, Arsenal ka gjithashtu 93.1% mundësi për të kaluar fazën e grupeve dhe 34.7% për të arritur në finale, duke e bërë atë një nga pretendentët më seriozë të këtij edicioni. Në mesin e ekipeve me shanse për fitore janë edhe Real Madrid, Liverpool, Manchester United, Inter dhe Aston Villa, ndërsa disa skuadra si Villarreal dhe Galatasaray pritet të eliminohen që në fazat e para.