Pas një dekade të gjatë dhe të suksesshme te Atalanta, ku u shndërrua në një nga mbrojtësit më të rëndësishëm dhe kapiteni i skuadrës, Berat Gjimshiti ka vendosur të ndërrojë ambient dhe të vazhdojë karrierën e tij te Al Diriyah në Saudi Pro League. Ai firmosi një kontratë dyvjeçare dhe do të përfitojë rreth 3 milionë euro në sezon, duke u bërë një nga lojtarët më të paguar në ligën saudite. Gjatë periudhës së tij në Bergamo, Gjimshiti zhvilloi mbi 250 ndeshje në Serie A dhe ishte protagonist në fitimin historik të Ligës së Europës në sezonin 2023-24. Në një mesazh emocionues për tifozët dhe klubin, mbrojtësi shqiptar falenderoi Atalantën për mundësitë dhe përvojat që i dha gjatë këtyre viteve.