Gjyqtari i njohur kosovar Fatlum Berisha ka njoftuar pensionimin e tij pas 24 vitesh karrierë si refer aktiv në futbollin e Kosovës. Ai ka qenë pjesë e shumë ndeshjeve dhe përfaqësoi Kosovën në arenën ndërkombëtare që nga viti 2017 si Asistent Ndërkombëtar me stemën e FIFA-së. Në mesazhin e tij, Berisha falënderoi institucionet, klubet, futbollistët, trajnerët dhe tifozët për mbështetjen gjatë gjithë rrugëtimit të tij. Ai premtoi të vazhdojë të kontribuojë në zhvillimin dhe edukimin e brezave të rinj të referëve, duke besuar se investimi te të rinjtë është çelësi i së ardhmes së futbollit kosovar.