Pas një periudhe prej 28 vitesh në shërbim të Interit, drejtori sportiv Piero Ausilio po përgatitet të largohet nga klubi zikaltër. Kontrata e tij aktuale skadon në qershor të vitit 2027, por palët nuk kanë arritur marrëveshje për rinovimin e saj. Interi i ka ofruar Ausilios një kontratë të re njëvjeçare me të njëjtat kushte financiare, por kjo ofertë nuk ka bindur drejtuesin, i cili është gati të përfundojë aventurën e tij në fund të vitit. Ausilio ka kaluar nga roli i sekretarit të sektorit të rinjve deri në drejtimin sportiv të skuadrës së parë, duke kontribuar në fitimin e tre titujve kampion, tri Kupave të Italisë dhe tri Superkupave gjatë periudhës së tij. Ky largim shënon fundin e një epoke të gjatë bashkëpunimi mes tij dhe Interit.