Pas humbjes në finale të Kupës së Kosovës ndaj Dukagjinit, drejtori sportiv i Ferizajt, Genc Hyseni, ka dhënë dorëheqje nga klubi dhe nga futbolli. Ai ka reaguar ashpër në rrjetet sociale, duke akuzuar Federatën e Futbollit të Kosovës për padrejtësi të vazhdueshme dhe vendime të dyshimta gjatë ndeshjes, përfshirë mosdhënien e dy penalltive të pastra. Hyseni shprehu zhgënjimin e tij të thellë për trajtimin që ka pësuar skuadra, duke e cilësuar këtë si një goditje të rëndë pas rënies nga Superliga. Ai u shpreh se ka punuar pa interes personal për klubin e qytetit të tij, por padrejtësitë e përsëritura e detyruan të largohet, duke akuzuar edhe ata që heshtin dhe mbështesin këto padrejtësi.