Presidenti i Federatës Iraniane të Futbollit, Mehdi Taj, ka shprehur shqetësimin e tij lidhur me pjesëmarrjen e kombëtares iraniane në Kupën e Botës 2026, për shkak të situatës së tensionuar politike dhe ushtarake pas sulmeve ndaj Iranit. Ai theksoi se pas këtyre ngjarjeve, perspektiva për të qenë prezent në Botëror është shumë e pasigurt dhe nuk mund të ketë optimizëm. Federata do të shqyrtojë me kujdes situatën dhe vendimi final do të merret nga organet më të larta sportive të vendit. Nëse tensionet nuk ulen, kjo mund të rrezikojë jo vetëm pjesëmarrjen, por edhe ecurinë e Iranit në grupin ku ndodhet me Belgjikën, Egjiptin dhe Zelandën e Re.