Paulo Dybala është në bisedime për të rinovuar kontratën me Romën, edhe pse kjo do të nënkuptojë një ulje të konsiderueshme të pagës së tij. Aktualisht, argjentinasi fiton 8.5 milionë euro në sezon, por oferta e re do të jetë maksimumi 2.5 milionë euro plus bonuse, me një kontratë njëvjeçare dhe opsion për sezonin tjetër. Takimi i fundit mes drejtorit të Romës, Frederic Massara, dhe agjentit të Dybala-s u zhvillua të enjten, ndërsa vendimi përfundimtar pritet pas ndeshjes kundër Lazios. Dybala është mirënjohës ndaj klubit për mbështetjen gjatë periudhave të dëmtimeve dhe dëshiron të qëndrojë në Romë, ku ka edhe arsye familjare, pasi vajza e tij e parë lindi në mars.