Paulo Dybala ka rinovuar kontratën me Romën deri në qershor 2027, duke pranuar një ulje të madhe të pagës së tij. Sulmuesi argjentinas, i cili ishte lojtari më i paguar i klubit sezonin e kaluar me rreth tetë milionë euro neto, tani do të përfitojë pak më pak se tre milionë euro në sezon, pa përfshirë bonuset. Vendimi i Dybala erdhi pas shumë ofertave të tjera, përfshirë nga Boca Juniors dhe klubet e Arabisë Saudite, por ai zgjodhi të qëndrojë në Romë, edhe për shkak të kualifikimit të klubit në Ligën e Kampionëve pas shtatë vitesh mungesë. Në njoftimin zyrtar, Roma theksoi rëndësinë e tij si një figurë kyçe dhe lider në skuadër, ndërsa vetë Dybala shprehu kënaqësinë për vazhdimin e aventurës në "Olimpico" dhe dëshirën për të bërë krenar tifozët në sezonin e ardhshëm.