Sonte në orën 20:00 zhvillohet ndeshja e dytë çerekfinale në Superligën e Kosovës në basketboll mes Pejës dhe Golden Eagle Yllit, në palestrën “Karagaçi” në Pejë. Golden Eagle Ylli fitoi ndeshjen e parë me rezultatin 93:82 dhe i duhet vetëm një fitore për të siguruar kualifikimin në gjysmëfinale, ku do të përballet me Trepçën. Peja synon të barazojë serinë në 1:1 për të detyruar një ndeshje të tretë vendimtare në Suharekë. Në këtë përballje, Ylli do të jetë pa Lis Shoshin, i cili është i suspenduar për shkak të një gabimi teknik diskualifikues në ndeshjen e parë.