Anthony Joshua dhe Kristian Prenga kanë zhvilluar përballjen e tyre të parë “sy më sy” para meçit të shumëpritur më 25 korrik në Arabinë Saudite, që u zhvendos nga Riad në Jeddah. Prenga shfaqi një qëndrim të fortë dhe të guximshëm, duke deklaruar se në ring nuk ka respekt për askënd, madje as për babanë e tij, dhe paralajmëroi se grushti i tij do të jetë i fuqishëm dhe i papërballueshëm. Joshua nga ana tjetër e konsideron këtë sfidë si një moment rikthimi dhe shprehu gatishmërinë për të treguar klas dhe aftësi, duke pranuar madje se dëshiron që kundërshtari të mos i tregojë respekt në ring. Atmosfera mes tyre është e tensionuar dhe fjalët e shkëmbyera në konferencën për shtyp kanë ndezur pritshmëritë për një duel me shumë emocione dhe rivalitet të fortë.