Sot në Old Trafford zhvillohet një nga derbit më të mëdhenj të futbollit anglez, ku Manchester United dhe Liverpool përballen në një ndeshje me rëndësi të jashtëzakonshme për kualifikimin në UEFA Champions League. Një fitore për Manchester United do t’i siguronte pothuajse matematikisht vendin në elitën europiane, duke arritur në 64 pikë, ndërsa Liverpooli, pa Mohamed Salah, përballet me presion të madh pasi një humbje mund t’i nxjerrë nga top-katërshja nëse Aston Villa fiton. Historikisht, Manchester United ka më shumë fitore në këtë rivalitet, me 92 fitore kundrejt 82 të Liverpoolit, ndërsa 71 ndeshje kanë përfunduar në barazim. Kjo sfidë luhet me fillim në orën 16:30 dhe do të jetë vendimtare për fatet e sezonit të ardhshëm europian.