Kualifikimi i Kosovës në Kupën e Botës 2026 do të sjellë përfitime të mëdha financiare dhe një moment historik sportiv për vendin. Sipas të dhënave, vetëm pjesëmarrja në këtë turne do t’i sigurojë Kosovës të paktën 10.5 milionë dollarë, përfshirë 9 milionë për pjesëmarrje dhe 1.5 milionë për përgatitje, një rritje prej rreth 50% krahasuar me Botërorin 2022. Përfitimet mund të rriten në varësi të ecurisë së Kosovës në turne, duke arritur deri në 19 milionë dollarë në rast kualifikimi në çerekfinale. Përveç shpërblimeve nga FIFA, Qeveria e Kosovës ka paralajmëruar një bonus shtesë prej 1 milionë euro, që do të ndahet mes lojtarëve, ku secili mund të përfitojë nga 40 mijë deri në 50 mijë euro.