Kombëtarja e Japonisë u përball me kushte të papërshtatshme në ambientet stërvitore të klubit meksikan Tigres, të cilat kishte marrë me qira për përgatitjet para Kupës së Botës 2026. Situata ishte aq problematike sa që japonezët ishin shumë pranë vendimit për të lënë Meksikën dhe për të kërkuar një vend tjetër për stërvitje. Në momentin kritik, klubi tjetër meksikan Monterrey (Rayados) ndërhyri duke u ofruar një fushë moderne stërvitore, duke mundësuar vazhdimin e përgatitjeve në kushte më të mira. Kjo ngjarje ka shkaktuar debate në Meksikë lidhur me mënyrën e trajtimit të një prej kombëtareve pjesëmarrëse në Kupën e Botës 2026.