Kombëtarja e Kosovës ka zhvilluar një tjetër seancë stërvitore në kuadër të përgatitjeve për ndeshjen miqësore kundër Andorrës, që do të zhvillohet të dielën. Në këtë seancë mungoi Rilind Nivokazi për arsye familjare, ndërsa portieri Arijanet Muriç vijon programin e rehabilitimit për shkak të shqetësimeve muskulore. Përzgjedhësi Franco Foda dhe stafi i tij kanë punuar kryesisht në aspektet taktike dhe në mënyrën e lojës, me fokus të veçantë në transformimin e shpejtë nga mbrojtja në sulm. Atmosfera në ekip është shumë pozitive dhe futbollistët janë të motivuar për të dhënë një paraqitje të mirë dhe për t’u rikthyer te rezultatet pozitive në këtë ndeshje.