Kombëtarja e Kosovës ka zhvilluar seancën e radhës stërvitore në stadiumin “Fadil Vokrri” në prag të ndeshjes miqësore ndaj Andorrës, e cila do të luhet të dielën. Trajneri Franco Foda ka pasur të gjithë lojtarët në dispozicion, përveç Aro Muric që u largua për shkak të një lëndimi, si dhe Altin Gjokaj që nuk është rikthyer ende nga grumbullimi i Kosovës U21. Pas humbjes 2:1 ndaj Çekisë tri ditë më parë, skuadra synon të korrigjojë gabimet dhe të rikthehet te rezultatet pozitive për të rritur besimin para sfidave të ardhshme. Atmosfera në kampin e Kosovës raportohet shumë pozitive, ndërsa futbollistët janë të motivuar për të dhuruar një paraqitje bindëse dhe për të fituar mbështetjen e tifozëve në stadium.