Kryetari i Prishtinës, Përparim Rama, është takuar me Ministrin e Sportit dhe Rinisë, Blerim Gashani, për të koordinuar përgatitjet për Lojërat Mesdhetare Prishtina 2030. Gjatë takimit, ata diskutuan për hapat e ardhshëm dhe rëndësinë e bashkëpunimit institucional për suksesin e këtij eventi ndërkombëtar. Rama theksoi se po punohet intensivisht për të qenë plotësisht të përgatitur dhe për të siguruar që organizimi të ecë me ritmin dhe seriozitetin e nevojshëm. Ky bashkëpunim tregon angazhimin e institucioneve për të realizuar një ngjarje të suksesshme dhe me ndikim ndërkombëtar në Prishtinë.