Përgatitjet për Lojërat Mesdhetare “Prishtina 2030” po avancojnë në një fazë kyçe, duke u konsideruar si një nga projektet më të mëdha shtetërore dhe sportive të Kosovës. Kryeministri i Kosovës, Albin Kurti, theksoi rëndësinë strategjike të këtij eventi dhe angazhimin e qeverisë për bashkëpunim ndërinstitucional dhe mbështetje afatgjate. Presidenti i Komitetit Olimpik të Kosovës, Ismet Krasniqi, nënvizoi vitin 2025 si periudhë vendimtare për përgatitjet dhe theksoi hapat konkretë institucionalë dhe bashkëpunimin e gjerë për organizimin dinjitoz të Lojërave. Ndërsa Sekretari i Përgjithshëm i Komitetit Ndërkombëtar të Lojërave Mesdhetare, Iakovos Filippousis, vlerësoi përgatitjet dhe e cilësoi këtë edicion si një mundësi të jashtëzakonshme për zhvillimin sportiv, infrastrukturor dhe institucional të Kosovës, duke theksuar ndikimin e qëndrueshëm që do të ketë ky event në sportin dhe zhvillimin urban të vendit.