Hendbollistet e Samadrexhës nisën me vështirësi gjysmëfinalen e parë të plejofit në Superligën e Kosovës, duke u gjendur në disavantazh 16:13 pas pjesës së parë ndaj Ferizajt. Ferizaj dominonte në fushë dhe krijoi epërsi deri në gjashtë gola, duke u dukur si favorit për fitoren. Megjithatë, në pjesën e dytë, Samadrexha realizoi një përmbysje të madhe, duke shënuar 22 gola dhe duke fituar bindshëm me rezultatin 35:26. Yjet e ndeshjes për Samadrexhën ishin Yasmin Souza, Jennifer Abreu, Oliveira Vitoria, Arona Krasniqi dhe Tina Hetemi, secila me nga pesë gola, ndërsa Shkurte Mehmeti ishte më e dalluara te Ferizaj me shtatë gola. Ndeshja e dytë e gjysmëfinales do të zhvillohet javën e ardhshme në Ferizaj.