Formati i zgjeruar i Kupës së Botës 2026 me 48 skuadra ka krijuar skenarë të paparashikueshëm dhe rrugët e grupeve po tregojnë një përplasje të mundshme mes dy gjigantëve të futbollit, Gjermanisë dhe Francës, që pritet të ndodhë shumë më herët sesa zakonisht, në fazën e 1/8-tës më 4 korrik. Për të ndodhur kjo, të dyja skuadrat duhet të përfundojnë në vendet e para në grupet e tyre, një gjë që për Gjermaninë duket e sigurtë edhe në rast humbjeje, për shkak të rregullave të ndeshjeve kokë më kokë. Franca, nga ana tjetër, ndodhet në një situatë më të vështirë dhe çdo gjë mbetet e hapur për vendin e parë në grup. Nëse këto parashikime realizohen, pas kalimit të fazës së 1/16-tës, bota e futbollit do të shijojë një duel spektakolar mes Gjermanisë dhe Francës, që do të rivalizojë me një finale të madhe.