Pas deklaratave të forta të Florentino Pérez, presidentit të Real Madridit, i cili akuzoi Barcelonën për çështjen "Negreira" dhe paralajmëroi dorëzimin e një dosjeje prej 600 faqesh në UEFA, Barcelona ka reaguar me një komunikatë zyrtare. Klubi katalanas njoftoi se departamenti i tyre ligjor po shqyrton me kujdes çdo deklaratë të bërë nga Pérez dhe po vlerëson hapat ligjorë që do të ndërmerren në vazhdim. Barcelona e konsideron këtë një sulm që kërkon një përgjigje juridike dhe paralajmëroi se do të njoftojë për çdo vendim të ardhshëm. Kjo përplasje mes dy gjigantëve të futbollit spanjoll po shfaqet si një betejë e re ligjore me pasoja të mundshme në arenën sportive dhe juridike.