Kryeministri në detyrë i Kosovës, Albin Kurti, ka uruar xhudistët kosovarë për arritjen e pesë medaljeve në Lojërat Mesdhetare në Taranto të Italisë. Laura Fazliu fitoi medaljen e argjendtë, ndërsa Akil Gjakova, Flaka Loxha, Fatjona Kasapi dhe Shpat Zekaj u stolisën me medalje të bronzta. Kurti vlerësoi punën, sakrificën dhe përkushtimin e sportistëve dhe ekipit që prej vitesh punon për sukseset e xhudos kosovare, duke përfshirë trajnerët Driton Kuka dhe Majlinda Kelmendi. Ai theksoi se xhudoja vazhdon t’i sjellë Kosovës medalje, emocione dhe krenari, duke uruar gjithë ekipin për këtë sukses të rëndësishëm.