Në minutën e 86-të të ndeshjes mes Real Madrid dhe Bayern, mesfushori Eduardo Camavinga u përjashtua me karton të kuq nga gjyqtari Sllavko Vinçiq për mbajtje të topit, një vendim që shkaktoi zemërim të madh në Spanjë dhe në mediat sportive. Ekspertët dhe ish-gjyqtarët si Alfonso Pérez Burrull dhe Pedro Martin kritikuan ashpër arbitrin, duke e konsideruar përjashtimin joproporcionale dhe një gabim që ndikoi drejtpërdrejt në eliminimin e Realit nga Liga e Kampionëve. Sipas tyre, Vinçiq veproi me nxitim dhe nuk e kuptoi menjëherë se ishte kartoni i dytë i verdhë, duke abuzuar me pushtetin dhe duke prishur ekuilibrin e ndeshjes. Në fund të sfidës, tensioni u rrit edhe më shumë kur u përjashtua edhe Arda Güler për protesta, duke shtuar polemikat rreth arbitrimit në këtë duel të rëndësishëm.