Legjenda e Manchester United, Wayne Rooney, ka kritikuar ashpër Mohamed Salah pas deklaratave të sulmuesit egjiptian ndaj trajnerit të Liverpoolit, Arne Slot. Salah kërkoi rikthimin e futbollit ofensiv që dikur karakterizonte Liverpoolin, duke sulmuar publikisht stilin aktual të trajnerit pas humbjes 4-2 ndaj Aston Villas. Rooney e konsideron të papërshtatshme këtë qasje në momentet e fundit të Salah në klub dhe vlerëson se sulmuesi nuk është më në gjendje të përballojë intensitetin e lojës së Kloppit, stil që Salah kërkon të rikthehet. Ai paralajmëroi se deklaratat e Salah kanë vënë në vështirësi bashkëlojtarët që do të vazhdojnë në Liverpool dhe sugjeroi se trajneri Slot mund të mos lejojë më praninë e Salah në ndeshjet e ardhshme.