Në ndeshjen e javës së 27-të të kampionatit rus mes Rubin Kazan dhe CSKA Moskë, sulmuesi shqiptar Mirlind Daku u rrëzua brenda zonës pas një kontakti në këmbë, duke pretenduar për penallti. Gjatë pushimit të pjesës së parë, mesfushori i CSKA-së, Dmitry Barinov, e pyeti Dakun “Pse po rrëzohesh?”, duke ndezur një debat të tensionuar mes lojtarëve. Ndeshja u mbyll në barazim 0-0, me Rubin Kazan që ishte pranë surprizës ndaj një rivali të fortë si CSKA Moskë. Rubin Kazani mbetet në vendin e 7-të në renditje, ndërsa në javën e ardhshme do të përballet në transfertë me Baltika Kaliningrad, ku Daku synon të rikthehet te goli pas rikthimit nga dëmtimi.