Egzon Bislimi, portieri i FC Lirisë, ka njoftuar zyrtarisht largimin e tij nga klubi prizrenas pas një sezoni të shkëlqyer me bardhezinjtë. Ai ka falënderuar trajnerët Klodian Duro, Liridon Leci dhe Ismet Munishi për mbështetjen dhe bashkëpunimin gjatë periudhës së tij në skuadër. Bislimi gjithashtu ka vlerësuar punën e trajnerit të portierëve, Hëzër Doda, dhe ka shprehur mirënjohje për bashkëlojtarët dhe tifozët e klubit, duke theksuar sakrificën dhe përpjekjet e tyre gjatë sezonit. Megjithatë, ai shprehet se puna e tyre nuk u shpërblye siç prisnin dhe shpreson që FC Liria të rikthehet sa më shpejt në Superligë me mbështetjen e tifozëve.