Presidenti i Federatës së Futbollit të Kosovës, Agim Ademi, ka udhëtuar në Shtetet e Bashkuara të Amerikës me ftesë të presidentit të FIFA-s, Gianni Infantino, për të marrë pjesë në aktivitetet zyrtare të finales së Kupës së Botës. Gjatë qëndrimit të tij, Ademi do të ndjekë nga afër dy ndeshjet gjysmëfinale midis Francës e Spanjës dhe Anglisë e Argjentinës, si dhe finalen e madhe që zhvillohet më 19 korrik në “MetLife Stadium” në Nju Jork. Ai gjithashtu do të marrë pjesë në eventet madhështore ku do të jenë të pranishëm drejtues të federatave kombëtare dhe personalitete të futbollit botëror. Për herë të parë, finalja e Kupës së Botës do të shoqërohet me një spektakël të veçantë në pushimin mes dy pjesëve, organizuar nga FIFA dhe Global Citizen.