Presidentja në detyrë e Kosovës, Albulena Haxhiu, ka pritur dhe nderuar ekipin e xhudos që përfaqësoi vendin në Lojërat Mesdhetare “Taranto 2026”. Xhudistët arritën të fitonin një medalje argjendi dhe katër medalje bronzi, duke u bërë sporti më i suksesshëm për Kosovën në këto gara për nga numri i medaljeve. Gjatë takimit, Haxhiu shprehu vlerësimin e saj për punën e sportistëve, trajnerëve dhe Federatës së Xhudos, duke theksuar rëndësinë e këtyre sukseseve në promovimin ndërkombëtar të vendit. Në shenjë mirënjohjeje, ajo ndau mirënjohje dhe dhurata simbolike, përfshirë një gur nga Miniera e Trepçës, si simbol respekti për ekipin dhe trajnerët.