Presidentja Vjosa Osmani ka zhvilluar një vizitë në Qendrën Nacionale të Xhudos në Pejë, ku u prit nga kryemjeshtri Driton Kuka dhe kampionet olimpike Majlinda Kelmendi, Distria Krasniqi dhe Laura Fazliu. Gjatë takimit, ajo u njoh me punën dhe përkushtimin e sportistëve kosovarë dhe vlerësoi sukseset e tyre në arenën ndërkombëtare. Në këtë qendër po zhvillohet edhe Kampi Ndërkombëtar i Xhudos, ku marrin pjesë xhudistë nga Ukraina, të cilët stërviten së bashku me sportistët vendorë. Vizita theksoi rëndësinë e xhudos si sport dhe si mjet për promovimin e Kosovës në botë.