Kombëtarja e Turqisë do të përballet me Kosovën në një ndeshje vendimtare për kualifikimin në Kupën e Botës 2026, pas fitores 1-0 ndaj Rumanisë në gjysmëfinalen e play-off-it evropian. Trajneri Vincenzo Montella po përballet me presione të shumta që të mos aktivizojë nga minuta e parë tre lojtarë: Samet Akaydin, Baris Alper Yilmaz dhe Kerem Akturkoglu. Megjithatë, Montella nuk po i kushton rëndësi këtyre presioneve dhe do të marrë vendimin për formacionin pas analizës së Kosovës, duke pasur mbështetjen e plotë të federatës turke. Në rast se rikuperohet në kohë, Merih Demiral mund të zëvendësojë Samet Akaydin, ndërsa në mesfushë dhe sulm janë në dispozicion alternativa të ndryshme si Orkun Kokçu, Yunus Akgun, Irfan Can Kahveci dhe Oguz Aydin.