Ministri në detyrë i Rinisë dhe Sportit, Blerim Gashani, njoftoi mbajtjen e Konferencës së Parë Ndërkombëtare për Sigurinë e Ngjarjeve të Mëdha Sportive, si pjesë e përgatitjeve për Lojërat Mesdhetare “Prishtina 2030”. Në këtë takim morën pjesë edhe ministri i Punëve të Brendshme, Xhelal Sveçla, dhe ambasadori i Francës në Kosovë, Olivier Guérot, ku u diskutua për sigurimin e ngjarjes bazuar në përvojën e Lojërave Olimpike të Parisit. Institucionet vendore kanë nisur koordinimin dhe planifikimin strategjik për të garantuar një ambient të sigurt dhe profesional për pjesëmarrësit dhe vizitorët. Gashani theksoi se suksesi i Lojërave nuk varet vetëm nga dita e hapjes, por nga përkushtimi dhe planifikimi i vazhdueshëm, me synimin që “Prishtina 2030” të lërë një trashëgimi të qëndrueshme për sportin dhe rininë në Kosovë.