Klubi i futbollit Prishtina është dënuar nga Komisioni Disiplinor dhe i Etikës pranë Federatës së Futbollit të Kosovës me dy ndeshje pa praninë e tifozëve, pas sjelljes së tyre në ndeshjen e javës së 22-të kundër Dritës, e cila përfundoi me rezultat 1:1 në stadiumin “Fadil Vokrri”. Ky dënim do të ndikojë në ndeshjen e radhës të Prishtinës, që do të zhvillohet kundër Prishtinës së Re në kuadër të xhiros së 24-t në Superligën e Kosovës, ku do të luhet pa tifozë. Klubi ka konsideruar këtë masë si të rëndë dhe ka depozituar ankesë pranë organeve kompetente të FFK-së, duke shpresuar në një zbutje të vendimit. Prishtina pret një përgjigje pozitive nga Federata për të mundësuar rikthimin e tifozëve në stadium në ndeshjet e ardhshme.