Prishtina do të presë Ballkanin në xhiron e 26-të të Superligës së Kosovës, por ndeshja nuk do të zhvillohet në stadiumin “Fadil Vokrri”, si zakonisht, por në Kampin Nacional në Hajvali. Klubi ka njoftuar se hyrja për tifozët do të jetë falas, me akses të hapur vetëm në tribunën ballore, ndërsa tribunat prapa portave do të mbeten të mbyllura. Kjo do të jetë ndeshja e parë e Prishtinës me trajnerin e ri, Alban Dragusha, pas dorëheqjes së Afrim Tovërlanit, shkaktuar nga humbja ndaj Ferizajt në mesjavë. Aktualisht, Prishtina renditet e katërta me 38 pikë, ndërsa Ballkani kryeson tabelën me 45 pikë, po aq sa Drita në vendin e dytë; në përballjet e mëparshme këtë sezon, secila skuadër ka regjistruar nga një fitore.