Ndeshja e xhiros së 21-të në Superligën e Kosovës në futboll ndërmjet Drenicës dhe Prishtinës së Re po zhvillohet sot në stadiumin “Liman Gegaj” në Malishevë. Kjo përballje është shumë e rëndësishme për të dyja skuadrat, të cilat luftojnë për mbijetesë në elitën e futbollit kosovar, me Drenicën në vendin e parafundit dhe Prishtinën e Re në fund të tabelës. Pas pjesës së parë, Prishtina e Re është në epërsi me rezultatin 1:0, falë golit të shënuar nga Lorik Dobratiqi në minutën e 41-të, pas asistimit të Florijan Kadriut. Drenica ka tentuar të barazojë, por portieri i Prishtinës së Re, Florjan Smakiqi, ka bërë pritje të rëndësishme për të mbajtur rezultatin në favor të skuadrës së tij.