Kryetari i Komunës së Prishtinës, Përparim Rama, ka njoftuar se përgatitjet për Lojërat Mesdhetare “Prishtina 2030” kanë hyrë në një fazë vendimtare. Janë duke u zhvilluar takime të detajuara për masterplanin e objekteve sportive, ku analizohen lokacionet dhe nevojat infrastrukturore për organizimin e ngjarjes. Komiteti Organizativ po merr vendime kyçe për të siguruar një organizim të suksesshëm të kësaj ngjarjeje sportive ndërkombëtare. Përparim Rama e konsideron këtë proces si një hap të rëndësishëm që tregon gatishmërinë e kryeqytetit për të performuar në skenën ndërkombëtare.