Prishtina arriti një fitore të rëndësishme 1:0 ndaj liderit të kampionatit, Ballkanit të Therandës, në javën e 26-të të elitës së futbollit të Kosovës. Golin e vetëm të ndeshjes e shënoi talenti 17-vjeçar Drin Ahmeti në minutën e 84-t, duke vendosur kështu sfidën në Kampin Nacional në Hajvali. Kjo ishte fitorja e parë e Prishtinës pas pesë ndeshjeve dhe debutimi i suksesshëm i trajnerit të ri Alban Dragusha, i cili mori drejtimin e skuadrës pas dorëheqjes së Afrim Tovërlanit. Pas kësaj fitoreje, Prishtina ngjitet në vendin e tretë me 41 pikë, katër më pak se Ballkani dhe Drita, të cilat ndajnë kreun e tabelës.