Prishtina ka regjistruar fitoren e tretë radhazi në Superligën e Kosovës, duke mposhtur Vushtrrinë me rezultat 1:0 në ndeshjen e zhvilluar në Kampionatin Nacional në Hajvali. Golin e vetëm dhe vendimtar e shënoi Albin Krasniqi në minutën e 60, me një goditje të saktë në këndin e epërm të majtë të portës. Pavarësisht rasteve të shumta për shënim nga Prishtina, skuadra e Besnik Kollarit arriti të mbrojë epërsinë deri në fund, ndërsa Vushtrria humbi mundësinë për të barazuar në minutën e 92 me një gjuajtje jashtë portës nga Kim Sane.