Barcelona kishte planifikuar që të mbante sulmuesin e ri dhe premtues, Hamza Abdelkarimin, në skuadër, por ai ka pasur shumë pak minuta në fushë këtë sezon. Para sezonit, Abdelkarimi shkëlqeu në ndeshjet parasezonale duke shënuar katër gola nga dhjetë, dhe kjo tërhoqi interesin e klubeve të mëdha evropiane. Për të mbrojtur talentin 18-vjeçar, trajneri Hansi Flick dhe drejtori sportiv Deco kanë vendosur ta mbajnë atë larg lojës për momentin, duke e fshehur nga rivalët, sidomos nga klubet angleze. Aktualisht, klauzola e lirimit të tij është vetëm 15 milionë euro, por Barcelona planifikon ta rrisë atë në 150 milionë euro me kontratën e re, duke e bërë kështu shumë më të vështirë largimin e sulmuesit nga skuadra.