Gana do të luajë sonte ndeshjen vendimtare ndaj Kroacisë në Grupin L të Kupës së Botës 2026, me mundësinë të përfundojë në vendin e parë, të dytë ose të tretë në grup. Një fitore do t’i siguronte të paktën vendin e dytë, por një skenar i pazakontë po shqetëson skuadrën, pasi nëse përfundojnë të dytët, do të luajnë 1/16 e finales në Toronto, Kanada. Kjo është problematike për mesfushorin kryesor Thomas Partey, i cili nuk mund të hyjë në Kanada për shkak të një procesi gjyqësor në Mbretërinë e Bashkuar, ku akuzohet për përdhunim dhe sulm seksual ndaj disa grave. Mungesa e tij në një ndeshje eliminatore do të ishte një humbje e madhe për Ganën, ndaj po diskutohet mundësia që skuadra të preferojë të kualifikohet si një nga skuadrat më të mira të vendit të tretë, për të shmangur mungesën e Parteyt në fushë.