Paris Saint-Germain ka marrë një vendim të veçantë duke paguar të gjitha shpenzimet për mbi 500 anëtarë të stafit të tij që do të jenë në finalen e Ligës së Kampionëve në Budapest. Klubi francez ka organizuar fluturime charter dhe ka mbuluar biletat dhe udhëtimin, duke e konsideruar këtë si një shenjë vlerësimi për punën e stafit gjatë sezonit. Në kontrast, disa punonjës të Arsenalit janë detyruar të paguajnë rreth 859 funte për udhëtimin, edhe pse kanë marrë biletë për ndeshjen. Kjo situatë ka krijuar një diferencë të dukshme mes dy klubeve finaliste, ku PSG shihet si më bujar dhe i fokusuar te kultura e brendshme, ndërsa Arsenali përballet me kritika për organizimin e udhëtimit të stafit. Finalja e Champions League do të zhvillohet më 30 maj në stadiumin “Puskás Aréna” në Budapest dhe pritet të jetë një nga ngjarjet më të ndjekura të sezonit.