Paris Saint-Germain ka nisur negociatat për rinovimin e kontratës me Khvicha Kvaratskhelian, me synimin për ta mbajtur atë në klub deri në vitin 2030 ose 2031. Klubi francez dëshiron të përfundojë marrëveshjen para ceremonisë së ardhshme të “Ballon d’Or”, për të shmangur rritjen e kërkesave financiare në rast fitoreje të çmimit nga lojtari. Kvaratskhelia, i cili iu bashkua PSG-së nga Napoli, është shndërruar në një prej lojtarëve kryesorë të skuadrës dhe konsiderohet një kandidat serioz për Topin e Artë pas një sezoni të jashtëzakonshëm. Drejtuesit e PSG-së po bëjnë përpjekje për të eliminuar çdo pasiguri rreth të ardhmes së tij dhe për ta lidhur atë me klubin për një periudhë afatgjatë.