Paris Saint-Germain, kampionët në fuqi të Champions League, kanë nisur rrugëtimin e tyre drejt finales së 30 majit në Budapest, por përballja me Chelsea-n në 1/8-at e finales paraqitet si një sfidë e madhe. Pas një kalimi të vështirë ndaj Monacos, skuadra e drejtuar nga Luis Enrique do të përballet me një rival të fortë, me ndeshjen e kthimit që do të luhet në “Stamford Bridge”. PSG duhet të përballojë edhe ndryshimet e reja të UEFA-s, që i detyrojnë të luajnë ndeshjen e kthimit jashtë fushe për shkak të renditjes së tyre të dobët në fazën e grupeve. Nëse kalojnë Chelsea-n, parizienët mund të përballen me Liverpoolin në çerekfinale dhe më pas me një nga gjigandët Real Madrid, Bayern Munich ose Manchester City, duke e bërë mbrojtjen e titullit një sfidë shumë të komplikuar.