E ardhmja e Rafael Leao-s në Milan po bëhet gjithnjë e më e paqartë, pasi sulmuesi portugez po pengon vetë çdo përpjekje për ta shitur. Pavarësisht marrëveshjeve të arritura me Aston Villa dhe interesit nga Al Hilal, Leao nuk ka dhënë miratimin për transferim në asnjë prej këtyre klubeve. Aktualisht, ai ka vetëm dy opsione: të pranojë ofertën e Galatasaray-it në Turqi ose të qëndrojë në Milano dhe të respektojë kontratën e tij që zgjat edhe dy vite. Ndërkohë, Leao po stërvitet i diferencuar nga skuadra dhe pritet të mungojë në ndeshjen e ardhshme të Serie A kundër Venezias, duke e bërë situatën e tij edhe më të ndërlikuar për Milanin.