Sulmuesi portugez Rafa Leao është shumë pranë largimit nga Milani, pasi klubi italian është i gatshëm të dëgjojë oferta gjatë verës. Manchester Unitedi ka intensifikuar interesimin për lojtarin, duke dërguar skautë për ta ndjekur nga afër në ndeshjet e fundit, përfshirë humbjen 3-2 ndaj Atalantas dhe barazimin 0-0 kundër Juventusit. Leao ka një klauzolë lirimi prej 175 milionë eurosh, por sipas burimeve italiane, Milani mund ta shesë për rreth 50 milionë euro, shumë më e ulët se vlera e klauzolës. Pavarësisht 10 golave dhe 3 asistimeve këtë sezon, portugezi nuk ka shënuar që nga marsi dhe është fishkëllyer nga tifozët në tri ndeshjet e fundit në shtëpi, duke nxitur spekulimet se koha e tij te Milani ka marrë fund.