Futbollisti anglez Raheem Sterling ka marrë zyrtarisht lejen e punës dhe është gati për debutimin e tij me klubin holandez Feyenoord. Ai iu bashkua skuadrës si lojtar i lirë në fillim të shkurtit, por nuk kishte të drejtë të luante deri më tani për shkak të mungesës së dokumentacionit. Gjatë kësaj periudhe, Sterling stërvitej në Belgjikë, ku trajneri Robin van Persie dhe ekipi zhvendosën përkohësisht stërvitjen në qendrën stërvitore të Federatës së Futbollit të Belgjikës në Tubize për t’u përshtatur me të. Sulmuesi anglez pritet të bëjë debutimin këtë të shtunë në ndeshjen kundër skuadrës së sapopromovuar Telstar në stadiumin “De Kuip”, duke sjellë një përforcim të rëndësishëm në repartin ofensiv të Feyenoord për fazën vendimtare të sezonit.