Ylli i Barcelonës, Raphinha, ka zbuluar se babai i tij ka mbajtur për vite me radhë 80% të të ardhurave nga të drejtat e imazhit dhe marrëveshjet tregtare, duke krijuar një krizë financiare që ka ndikuar edhe në karrierën e tij sportive. Kjo situatë u bë e qartë kur Raphinha dhe bashkëshortja e tij tentuan të blinin një vilë në Spanjë me vlerë rreth 10 milionë euro, por u përballën me mungesë fondesh të disponueshme. Përplasja familjare çoi në ndërprerjen e bashkëpunimit me babain, ndërsa menaxhimi i karrierës kaloi te vjehrri i tij, Alexandre Madeira, agjent i licencuar FIFA. Pavarësisht spekulimeve për një transferim në Arabinë Saudite, lojtari dëshiron të qëndrojë në Barcelonë dhe të rikthehet në formë pas dëmtimit të pësuar në Botëror.