Barcelona e trajnerit Hansi Flick ka nisur sezonin me një formë të jashtëzakonshme, ku protagonisti kryesor është sulmuesi brazilian Raphinha. Pavarësisht mungesës së një sulmuesi tipik zone në merkato, trajneri gjerman ka përdorur Raphinhën si “9-ç fals”, një rol që po i sjell rezultate të shkëlqyera. Në pesë ndeshjet e para zyrtare, braziliani ka shënuar tetë gola, duke iu afruar rekordit të vendosur nga Sandor Kocsis në sezonin 1958-59, kur ai realizoi nëntë gola në po kaq ndeshje. Gjithashtu, Raphinha ka barazuar rekordin e Luis Suárezit për gol në secilën prej pesë ndeshjeve të para të sezonit.