Pas ndeshjes së Paris Saint-Germain, trajneri Luis Enrique tregoi një reagim të veçantë kur u informua për fitoren e Barcelonës në El Clasico dhe sigurimin e titullit kampion në Spanjë. Ndërsa largohej nga konferenca për shtyp, ai u pyet për rezultatin e Barcelonës dhe reagoi me entuziazëm, duke ngritur grushtin dhe duke thënë "Toma!", një shprehje tipike për festimin e suksesit. Ky moment u bë viral në rrjetet sociale dhe nxori në pah lidhjen e fortë emocionale që Enrique ka me klubin katalanas, pavarësisht se tani drejton PSG-në. Ish-trajneri dhe ish-mesfushori i Barcelonës vazhdon të mbajë në zemër klubin ku shkroi histori si lojtar dhe trajner.