Real Madrid vazhdon të mbajë në fokus transferimin e Rodri Hernández, një objektiv i rëndësishëm për skuadrën pas largimit të Toni Kroos. Situata ka marrë një kthesë të re pas spekulimeve për një largim të mundshëm të Pep Guardiola nga Manchester City, që mund të ndikojë në të ardhmen e mesfushorit spanjoll. Edhe pse kontrata e Rodrit me klubin anglez zgjat deri në vitin 2027, klubi madrilen beson se mund të krijohen kushtet për një transferim të mundshëm. Real Madrid e konsideron Rodrin si lojtarin ideal për të rikthyer ekuilibrin në mesfushë, duke zëvendësuar brezin e artë të larguar me Kroos, Modrić dhe Casemiro.