Jude Bellingham pritet të mungojë në përballjen e rëndësishme të Real Madrid ndaj Manchester City në Ligën e Kampionëve, pasi ende nuk është riaftësuar plotësisht nga dëmtimi i marrë në ndeshjen ndaj Rayo Vallecanos. Edhe Kylian Mbappé është në dyshim për këtë ndeshje për shkak të dhimbjeve në gju, të cilat e kanë detyruar të mungojë në takimin ndaj Benficas dhe pritet të qëndrojë jashtë për rreth tre javë. Kjo situatë paraqet një goditje të fortë për Real Madridin, i cili do të përballet me një muaj mars shumë të vështirë, duke humbur dy nga yjet kryesorë për ndeshjen e parë në “Santiago Bernabéu”. Megjithatë, ekziston shpresa që Mbappé të rikthehet për ndeshjen e kthimit, ndërsa mungesa e Bellingham dhe e disa lojtarëve të tjerë si Éder Militão dhe Dani Ceballos do të vështirësojë ndjeshëm përpjekjet e skuadrës madrilene.